Aires da miña Terra: Varios

Cambio de "política de actualización"

Sat, 13 Jan 2007 00:16:48 GMT

Boas xente!! Xa comprobariades que levo unha tempadiña sen escribir nada novo por eiquí... é que co novo ano fíxenme unhas cantas propostas que coido serán moi beneficiosas para min e estou tratando de levalas todas a cabo, de xeito que o tempo do que dispoño para adicarme ás miñas bitácoras verase reducido.

De tódolos xeitos seguirei poñendo por aquí novas que me cheguen... como dicía Freddie Mercury: Show must go on!!! ;)

Adeus 2006!

Sun, 31 Dec 2006 13:33:37 GMT

Benvido 2007!!

Hoxe é día de festa, de xeito que non vou poñer aquí nada máis que isto que hai que santificá-las festas! XD

Remata o 2006, e o balance que fago deste ano que fina é realmente bo, a puta hostia!!! De xeito que só agardo comezá-lo novo ano con bo pé e que sexa igual ou mellor ca este.

Hoxe, ás 00:00 GMT comeza un novo ano para Galiza. As badaladas da Porta do Sol terán soado unha antes en tódalas nosas televisións.

Brindo por tódalas xentes deste mundo, pola prosperidade das nazóns, polo fin das guerras inútis, pola cultura, pola liberdade, brindo porque non nos esquezamos de África, nin de Palestina, nin de Cuba... brindo por todos vós e, por suposto, brindo á miña saúde.

Que teñades un gran comezo do 2007, e que ó longo deste novo ano non falten ocasións para celebrar e facer festas e caralladas.

Feliz 2007!!

Os meus propósitos de ano novo

Sun, 24 Dec 2006 13:01:25 GMT

Velaquí os meus própósitos para o vindeiro ano: http://www.blogoteca.com/sempreengaliza/index.php?cod=7214#comentarios

Unha rezada do Suso

Sat, 14 Oct 2006 11:09:13 GMT

Ola!

Boas xente! Moito me fodeu estar toda esta tempada sen internet... coa de cousas que puiden contar...

Pra comezar xa estou en Compostela. Teño unha compañeira de piso de Vigo que ten acento Ourensán e un Pucelano ó que xa se lle está a pegar o acento galego XDD

Buffff... amárgame poñerme a contar aquí todo, e tampouco ven a conto, pero farei un pequeno resumo.

O primeiro luns saín cuns colegas e co meu compañeiro castelán e a súa moza madrileña (toma parella! hehe). Como me andaban a preguntar moitas cousas sobre o nacionalismo galego que comezaron a coñecer ó chegar aquí (en España só son coñecidos o Catalán e o Basco) entre os locais ós que fumos non puido faltar a Casa das Crechas, no que estaban tocando uns gaiteiros.

O de logo xa o sabedes... conversas, cervexas, licor café, cubatas, baile e música.

Logo pasaron máis cousas, pero o de importancia foi o do xoves. Primeiro xoves do curso. Botellada na Alameda. Quedamos cunhas rapazas de Ribeira e tal.... Ah, e perdón Adán (http://galizalivre.spaces.live.com/) pero estiven a dar voltas e non te vin nin a ti nin a Auri.

O importante deste día foi que xa comecei ben o curso... ¡¡Saín na Galega!! XDD Vin alí a cámara e ali nos puxemos eu e un colega, detrás do reporteiro, coma se non soubésemos que nos estaban a gravar. O venres xa me chegaron mensaxes de que saía moi guapo na tele có cubata na man e tamén me víu a miña familia, e lle dixeron ó meu pai que me viran na tele, e ó intre xa dixo: Estaba no botellón, non? Porque nunhas charlas non creo! XDDDD

Con esta xa saín "destrangis" nuns cantos xornais, entre os que saio enfocado en primeira liña no Progreso nos concertos da Festa da Fraga e na tele en España Directo entrevistado e no Telexornal da TVG... Así comezou Santiago Segura! XDDDDD

O sábado saín en Lugo, unha festa da hostia! Comín o mítico Polbo á Feira e bebín os míticos cubatas... hehehe Baixei eu só unha botelliña de Santa Teresa, e logo tamén vin a unhas amigas que andaban por aló e deilles un pouco a brasa. Logo voltei a Compostela có meu "primo" francés, no seu coche.

O martes saímos de festa un castelán, un cubano, un francés e un galego... semella o principio dun chiste! XDDD Xa vin na Apolo a unhas cantas amigas... comeza ben o ano... hehehe ;)

O mércores de novo pra Lugo, a ver Lamatumbá. Fixemos botellón á porta, os primeiros. Os tipos do grupo que andaban a entrar e saír fliparon XDD E nesto que estabamos a tomar os nosos cubatas e chegaro dúas mozas a pedirnos un pouco de limón... e xa tiramos de conversa e viñeron con nós ó concerto. Unha tiña uns 30, licenciada en filoloxía inglesa e mestra en Pontevedra, morena. Outra... buffff... ¡¡¡como estaba a outra!!! Unha alemana de pelo curto castaño, vinte e moitos tiña, perfecta, está a pasar un ano de mestra de alemán en Pontevedra. O que segue non é cousa de andar a publicar nun espazo, ¿non?

O que sí, o concerto de Lamatumbá estivo xenial. Ah, e perdín a carteira, con 60€ e toda a documentación... fun á policía nacional e non me solucionaron nada. Cando cheguei á casa unha tipa de Lugo que traballa no Área Central, en Compostela, chamara ó meu pai para dicirlle que tiña a miña carteira e que a chamase cando estivese en Santiago para darma. De novo o que funciona en Galiza é a xente e non os medios oficiáis.

O xoves saímos tamén, sen nada especialmente novidoso. E hoxe haberá que voltar a saír.

Este é o resumo das miñas dúas últimas semanas XDDD

Chamémoslle X

Fri, 29 Sep 2006 20:16:35 GMT

Opa! Cheguei agora e mirei despois de tomá-las cañas e mirei o chisme este. ¡¡Acadei as 5000 visitas!! E iso que só levo dende xullo. Haivos xente que nace con estrela! hehe

Mmmm... stou medio rasakao escoitando música dance; ambientándome para o domingo estelar en Compostela!

Moito me tarda o San Froilán! Hei desfasar cousa linda! hehehe

Ah, e información privilexiada da miña parte... son cousas de que ande metido en tódolos fregados... alí onde haxa festa anda o Susiño a organizar algo... hehe :)

O venres 3 de Novembro hay unha Macrofesta Universitaria Intercampus.

- A entrada son 5€, que ven ser o custo do bus que sae, alomenos en Compostela, da Praza de Galiza.

- As copas serán a 3€ (bó prezo).

- O evento consiste en reunir alumnos de tódalas facultades das universidades galegas (creo que son unhas 65)... tense prevista a asistencia dunhas 10.000 persoas (alomenos hai 10.000 entradas).

- Haberá espectáculos, música e carallada.

E diredes... ¿en qué carallo consiste? Pois mirade... non o sei! XDD O caso é que hai xente na organización que me coñece e se apresurou a falar conmigo e dicirme: "Suso, tu que conoces a mazo peña y eres buen relaciones públicas... avisa toda la gente que conozcas y dime cuantas entradas necesitas luego".

De xeito que cando me entere máis xa o publicarei.

A min, a verdade, non me fai falla saber de qué vai. Eu dixen: "¿Festa? ¿E vai haber rapazas? ¿De tódalas universidades galegas?... ¡¡Apúntome!!" hehe.

Ademáis hei de avisar ás erasmus de Compostela! ;)

Veña, se queredes entradas ou algo avisádeme.

Eu sigo a desfrutar do efecto das cañas! XDDDD

Xa mo dicía un no traballo este verán: "Suso... a ti mucho te gustan las cañas..." XDDD

As cousas a medias

Thu, 28 Sep 2006 19:28:42 GMT

Bueno... que dixen que había poñer unha chea de novas e me tiven que ir, de feito que vou poñelas agora, non pensedes que só era unha nova a que tiña preparada, hehe.

Apalanque

Sat, 23 Sep 2006 16:55:23 GMT

Bufff... paso de contar nada hoxe que teño un apalanque de carallo. Estou sobado... vou durmir outro pouco.

Hala, a pasalo ben.

Parrafada

Sat, 23 Sep 2006 00:02:18 GMT

E pasaba eu por eiquí despois dunha carallada. Mañá contarei mellor as cousas que agora vai ser que non.

E tras saber cousas e decatarme doutras, e convidar aos inimigos do meu pensamento a participar dunha noite peneques, digo agora o que facía falla dicir, pois a xente bótase a parrafear e solta a lingua de máis... hai quen non sabe falar, hai quen non sabe calar e hai quen fala de más e de menos. Hai de todo neste mundo.

E ante esta dúbida corrosiva que se me impón na zona frontal-occipital do meu maltratado cerebro só poido dicir unha cousa que nos faga acadá-la paz, dunha vez por todas, a tódalas xentes do mundo:

¡¡MÁIS VIÑO!!

De volta

Mon, 11 Sep 2006 18:07:34 GMT

Dispoñíbel

Ola xente! Xa estou de volta en condicións (vaia tallada tiña antes! XD Menos mal que durmin unha sesta, se non...).

Estiven estos días por Pontedeume, nas Festas das Peras, que son unhas das máis antigas que se coñecen por Galiza adicadas á gastronomía no canto de algún santo. É unha vila que sempre me gustou moito por ser unha vila medieval con moito ambiente e moitísimos bares, é do tipo de Compostela pero ademáis ten mar. Este ano o seu concello lanzouse a facer unha campaña coa que promocioná-lo turismo á vila, podédelo ver se mercades La Voz de Galicia, na que saíu todo este verán un anuncio: Pontedeume, escondemos un segredo.

Pois ben... a tal campaña está moi ben e debeu de funcionar, xa que había moito guiri, e non acostumaba a haber demasiados turistas de fora de Galiza. Pero atopeille o defecto de que, aínda sendo en galego, está castelanizada :/ Pois se ben din "segredo", "escondemos" é castelán... a palabra galega é "agochamos". Pero bueno, que o pasei de puta nai e saúdos a Sonia, Vanesa, Eli, Paula e todas esas rapazas :)

Ó chegar á casa, grata sorpresa. Encarguei fai unhas semanas unhas cousas en www.aduaneirossemfronteiras.org e chegaronme :) Pillei para min unha suadeira da Santa Compaña e para a miña irmá unha camisola de rapaza de Licor Café. ¡Aledeime moito! :)

Gustoume até o sobre no que ven, ¡en galego todo! E un gran enderezo! pon: Apartado 5522 36200 VIGO GALIZA :)

E veña caña!

Mon, 11 Sep 2006 12:11:27 GMT

Vou raskau como un can! Preciso dunha boa sesta e logo comezo a contar cousas... mimá moitas morenas hai en Pontedeume! hehehe Hostia, moito me custa escribir! XDDDD Hala, a mamala! XDDD Vou durmir que me fai boa falla! hahahahaha

¡Voume!

Fri, 08 Sep 2006 18:09:35 GMT

¡Voume de carallada! Non agardedes novas miñas nun par de días. Veño de tomá-las cañas de rigor e agora voume prepará-la maleta e pirar de carallada. ¡E veña cañas, e veña ron, e veña música, baile e festa! ¡¡A tomar polo cú todo!!

Ausente

Mon, 04 Sep 2006 11:09:22 GMT

Non estou

Ola xente. Levo unha tempadiña ausente na rede que ando moi liado con moitas tarefas e viaxes e compromisos. E inda por riba chegei á casa e topeime con que tiña o ordenador fodido... estivo meu primo pequeno fozando nel e agora téñoo que levar a arranxar :/

De xeito que aínda vou estar outra tempadiña máis ausente. Saúdos a todos. E solidariedade coas xentes afectadas polo vertido do río Umia. Hai que foderse... non saímos dunha pra meternos noutra. Definitivamente somos un país suicida. Abur.

Linux

Fri, 25 Aug 2006 10:03:53 GMT

Este artigo aparece en en http://tec.fresqui.com/, traducido ó castelán dunha paxina dos Estados Unidos. A min non me deixou indiferente, a verdade... ¡hai xente pra todo neste mundo! XD

E o final é realmente abraiante... amósanos que este paisano que o escribíu está, definitivamente, tolo de remate. ¡Viva o software libre!

Linux é o cancro de América

Como a maioría das cousas que paga a pena posuír, os ordenadores son un invento americano. Bótalle unha ollada a calquera ordenador moderno e verás que é producto do enxeño americano.

Por exemplo, este robusto portátil IBM que estou a utilizar foi diseñado e construído por unha compañía americana. Funciona con software desenrolado por Microsoft, unha das organizacións americanas máis productivas. O meu ordenador fai todo o que poida precisar: podo realizá-lo meu traballo, presentá-los meus impostos e mesmo buscar na Biblia.

Ó igual que toda a gran enxeñería americana, é un exemplo de innovación que pon celoso a un grupo que medra de hackers europeos e chineses. Odian o noso liderazo en tecnoloxía informática e non se deterán ante nada até que teñan tomado o control de tódolos nosos ordenadores.

Estou a falar dun proxecto chamado "Linux", algo có que cecáis aínda nno topaches, pero pode que algún día o fagas.
É un programa de ordenador que, nun principio, foi desenrolado en Finlandia como un intento de evadí-los dereitos de copyright e as patentes dunha compañía americana chamada SCO Group.

A diferencia de Windows, que é un producto comercial xa maduro (habitualmente incluido en tódolos ordenadores novos), Linux é de balde. Pode que non pareza un gran problema; despois de todo, hai un beneficio mínimo regalando un producto.

Isto sería así se non fose pola seductora ideoloxía Marxista do proxecto Linux e o efecto que ten nos liberáis dos Estados Azuis (n.t: o azul é a cor dos Demócratas Norteamericanos. Segundo isto, os Estados Azuis son os gobernados por dito partido). De feito, Linux está tan extendido e asentado entre os Estados Azuis e moitas das universidades liberáis que un dos maiores expertos en computadoras, Steve Balmer (de Microsoft) describíu Linux como un cancro.

A industria americana de software está valorada en máis de de 7.000 millóns de dólares; introducindo un producto estranxeiro como Linux, o cal a miúdo se distribúe de balde, podería ameazar a toda a industria. Unha xeración de usuarios podería acostumarse a aceptar software extranxeiro antes que pagar por un producto americano de calidade superior. ¡Se tan só o perigo afectara á nosa economía!:

Hoxe en día, os ordenadores contrólano todo; dende emisoras de televisión até buques de guerra. A nosa infraestructura de defensa e informazón crucial están contruídos sobre tecnoloxía informática. Se consentimos que este cancro se introduza nas nosas redes, non sería posíbel predicí-lo efecto que tería na nosa infraestructura, e iso é xusto o que os liberáis están intentando facer.

Imaxina se o discurso do Estado da Unión fose hackeado porque a emisora de televisión decidira aforrarse cartos utilizando Linux. Imaxina se un bombardeiro espía se estrelase porque o seu software foi escrito por hackers chineses ou europeos. Tería o mesmo senso que invitar aos franceses a vir a que invadisen la Casa Branca.

¿E sabes que software utiliza Osama Bin Laden no seu portátil?

Se pensache que é Linux, acertaches de todo. Osama utiliza Linux porque está diseñado pra piratear DVD's, pra saltarse o Acta de Copyright Dixital e pra defraudar a compañías como Disney.

A vindeira vez que alguén che pregunte cómo financian os axentes de Al Qaida os seus rifles e os seus lanzamísiles, podes respostarlle que uns hackers estranxeiros fan un software chamado Linux que lles axuda a roubar aos americanos.

O problema de Linux é un tema que está medrando e que os conservadores americanos non se poden permitir ignorar. Por sorte, Microsoft preparou unha gran cantidade de informazón pra axudar aos usuarios a manterse alonxados desta ameaza. E hai algo que ti podes facer pra axudar a que América siga a sé-lo número un no sector da informática:

Se uno dos teus amigos está usando Linux ou pudiera estar tentado a probalo, ensínalle este artigo. Explícalle que Linux é unha seria ameaza e que se o utiliza podería estar deixando as portas do seu ordenador abertas a hackers chineses.

Se ves que unha compañía utiliza Linux, é posíbel que non pagaran por ese software. Denúnciaos ante a Alianza de Empresas do Software, quenes teñen a autoridade legal de inspeccioná-los ordenadores de calquera empresa en busca de programas ilegais, como Linux.

Pra rematar, lembra engadir aos usuarios de Linux nas túas oracións desta noite. Como individuos, pode que non sexamos capaces de cambiá-la mentalidade da xente, pero a Biblia ensínanos que Deus pode facer que cualquera pecador se arrepinta.

Revoltas Irmandiñas

Sat, 19 Aug 2006 20:34:55 GMT

Todos con Roi Xordo

Esta noite rememórase o alzamento dos Irmandiños contra os Andrade en Moeche... o inicio das Revoltas Irmandiñas.

¡¡Avante contra os abusos do poder!!

¡¡Todos con Roi Xordo!!

¡¡Vivan os Irmandiños!!

17 de Agosto

Thu, 17 Aug 2006 19:29:15 GMT

Día da Galiza Mártir

¿Por qué non celebralo este ano plantando unha árbore?

Unha nova árbore de futuro... unha árbore que deixe semente de vencer.

Mortos en vida

Sun, 13 Aug 2006 17:55:42 GMT

A maioría das nosas vídas podería rematar de se escribir antes de que falecesemos.

Nunca abandoéde-los vosos soños

Mon, 07 Aug 2006 11:53:47 GMT

Alguén escribiu que abandoámo-los nosos soños por temor a fracasar...

ou peor aínda... por medo a poder triunfar.

Celebrando

Tue, 01 Aug 2006 12:23:43 GMT

¡Que corra a cervexa!

Onte fun de tallada... foi pouca cousa que a golpe de luns é difícil facer cousas desas... alomenos en As Pontes.

¿A excusa? A verdade é que nos costou atopala... pero logo atopamos a excusa perfecta cando un de nós dixo: "Tios, ¡falta un minuto para que entremos en Agosto!". ¡¡¡Tooomaaaa!!! ¡¡Hai que celebrar que comeza o mes de Agosto!! XD

E así chegei á casa... entre que non ceara e as cervexas baixaban que daba gusto... hehehe

¿Te apetece tomar una copa?

Sun, 30 Jul 2006 19:26:42 GMT

Mi nombre va de boca en boca, y mi cuerpo va de bar en bar en busca de una loca con quien hablar... ¿Te apetece tomar una copa? ¡No me lo digas, tus amigas sólo hablan de ropa! Te prometo la cosa más bella... ir a un hotel si quieres... descorchar una botella y beber champán. Si prefieres ir a ver estrellas conozco un sitio... ¿Qué me dices?

Coidado, gángser ó teclado XD

Sun, 30 Jul 2006 18:44:38 GMT

¡Son un gángster!

¡Opa xente! Hoxe cumprín un dos meus desexos... viaxar no mítico Ford Lincoln. ¡É unha pasada de carro! O Ford Lincoln era un dos coches dos gángsters dos anos 20, da mafia dos EE.UU. e o coche no que foi asasinado Kennedy. Poucos coches teñen tanta historia como este.

Pois ben... o meu cuñado resulta que ten un que está fenomenalmente conservado, que ten 62 anos. Tan só lle cambiaron o motor fai 30 anos e lle subiron as suspensións, polo demáis está todo orixinal. Os asentos son como sofás da casa e hai espacio pra estirá-las pernas sobradamente... ¡é un auténtico tanque! Non me extraña que lles gustase tanto ós mafiosos. Alí metido no carro, con traxe e garabata, tan só me faltaba unha Beretta ou unha UZI pra parecer un auténtico máfioso :)

Gustaríame adxuntar unha foto do coche pero non lle saquei ningunha... outro día que teña vagar poreina, polo de agora porei unha dun semellante. E tamén podería poñer unhas fotos miñas de traxe e garabata... pero son así de berzas e non levei cámara de fotos... síntoo rapazas, outra vez será ;)

Test de personalidade

Sat, 29 Jul 2006 23:47:43 GMT

¿A qué famoso me parezo?

Fixen un test de personalidade destes que hai perdidos por internet que se fan cando estás moi aburrido e non tes nada mellor que facer. Na páxina http://www.emezeta.com/testometro/personalidad/

Segundo as vosas respostas relaciónanvos con algún famoso, xa sexa de realidade ou de ficción ou de cine ou televisión.

Anímovos a que o fagades e me deixedes aquí nos comentarios a personaxe que vos tocou ;)

A mín tocoume.... ¡Indiana Jones!

Soño dunha noite de verán

Thu, 27 Jul 2006 14:46:52 GMT

A primeira cereixa do verán

Soño coa primeira cereixa do verán. Doulla e ela lévaa á boca, mírame con ollos cálidos, de pecado, mentres fai súa a carne. De súpeto, bícame e devólvema coa lingua. E eu marcho tocado para sempre, o óso da cereixa todo o día rolando no teclado dos dentes como unha nota musical silvestre.

Pola noite: "Teño algo para ti, amor".

Pouso na boca dela o óso da primeira cereixa.

O soño de onte, o que facía sorrir, era que ela patinaba entre plantas e porcelanas, nun salón acristalado, e viña parar aos meus brazos.

Defendendo a Terra

Thu, 27 Jul 2006 14:22:04 GMT

Unhas verbas de Castelao...

- "O verdadeiro heroísmo consiste en cambiar os anceios en realidades, as ideas en feitos"

- "¿Con qué dereito se nos obriga a deprendermos a língua de Castela e non se obriga aos casteláns a deprender a nosa?"

- "E somentes preservando as nosas enerxías autóctonas, a nosa capacidade creadora, é como poderemos contribuir á civilización universal incorporando a ela as nosas creacións inéditas"

- "O galego é a forma máis antiga das línguas neolatinas de Hespaña e a primeira que alcanzou un pleno desenrolo literario"

- "Castela non ten máis de tres séculos de antigüidade sobor das nacións de América"

- "Os elementos da dereita soio conciben unha patria artificial, posta ao servicio dos seus intereses"

- "Chegan a decir que o problema galego, igual que o vasco e catalán, depende da solución acorde da maioría dos hespañoes... ¡Estabamos aviados!"

- "O pobo é somentes soberán o día das eleccións"

- "A loita nobre e leal das ideias é o que asegura o progreso"

- "Unha língua é máis que unha obra de arte; é matriz inagotable de obras de arte"

- "Non hai máis solución que o federalismo para chegar á paz do mundo"

- "Se a cultura é o mellor froito da nación, será preciso recoñecer que non hai vida nacional única onde existan diversas culturas"

- "A vergonza é pior que a fame"

- "A dominación de Galiza endexamais será efectiva entrementras fale un idioma diferente do castelán"

- "A nosa galeguidade provén da forteza do espírito, e aínda que carecemos de vontade ofensiva somos inexpugnables na resistencia"

- "Os ingleses aldraxan aos escoceses; os franceses aos bretóns; os casteláns aos galegos. E todos eses aldraxes non son máis que un recoñecemento tácito do "carácter nacional"

- "As vacas e os bois merecen máis amor que os touros bravos"

- "Nós queremos ser hespañoes, pero a condición de que este nome non nos obrigue a sermos casteláns"

- "Se aínda somos galegos é por obra e gracia do idioma"

- "Somos tan galegos hoxe como éramos no século XV, antes de sermos asoballados polos "Reis Católicos"

- "O idioma imposto non logrou matar o seu idioma natural; pero logrou degradalo"

- "A nosa "lingua rústica" vive porque aínda temos moito que decir nela"

- "Dentro de Portugal quedounos a mitade da nosa terra, do noso espírito, da nosa lingua, da nosa cultura, da nosa vida, do noso ser nacional"

- "Non: o internacionalismo eficaz non deserta das patrias, senón que as transforma en órgaos dunha nova humanidade"

- "Galiza foi un Reino independente até o século XV e despois gozou das ventaxas do réxime autónomo até ben entrado o século XIX"

- "Galiza soio merecerá respeto cando abandoemos a nosa mansedume, despois de saber o que fomos, o que deixamos de ser e o que seríamos con vida independente"

- "A vaca é o símbolo da paz"

- "Galiza deixará de loitar pola liberdade cando a conquira"

Galiza Ceibe

Sun, 23 Jul 2006 11:54:23 GMT

25 DE XULLO

"...Hai unha Patria que se chama Galiza..."

Castelao

Nazón de Breogán

UN XEITO DE SOÑAR GALIZA

Spain is not cool

Fri, 21 Jul 2006 14:48:24 GMT

Spain is not cool; Galiza is not Spain; A Coruña is not La Coruña; Spain is not cool; Sanxenxo is not Sanjenjo; Bullfights are not cool; Flamenco is not Spain; Castillian is not Spanish; Ferrol is not El Ferrol; Spain is not cool; Bull is not our simbol, our is Cow; Bulls are not cool; Bullcrab is cool; As Pontes is not Las puentes; Spain is not cool; Laxe is not Laje; Celtic music is not spanish; Arteixo is not Arteijo; Spain is not cool; Sevillanas aren't Spain; Pontedeume is not Puentedeume; Bagpipe is not Spanish; Borbones aren't spanish; Spain is not cool; Basque Country is not Spain; Galiza doesn't belong to Spain; A Pobra do Caramiñal is not Puebla del Caramiñal; Spain is not cool; Real Madrid is not cool; Galiza is cool; Santiago isn't Spanish; Spain is not cool; July the 25th is Galiza's day, not Spain's day; "Santiago, and close Spain" is imperialism; Galiza is not Spain; We don't belong to Spain; Spain owns us; Galiza is cool; Spain is not cool; Galiza is not Spain; 25th July is Galiza's Nation Day. That's cool!