Aires da miña Terra: Linkeo

Masacre de raposos

Mon, 19 Feb 2007 16:24:43 GMT

70 raposos foron asasinados no Carballiño cerebrando a Copa de España de caza malia as protestas pola masacre.

A mis 95 años

Fri, 29 Dec 2006 12:48:44 GMT

Teño que recomendarvos que vos pasedes por unha bitácora que atopei grazas a La Voz de Galicia e que atopo realmente moi interesante.

Titúlase: A mis 95 años. E trátase dun blog que lle fixo o seu neto á súa avoa polo seu 95 aniversario. Sempre me gustou moito escoitá-las historias que contas os nosos maiores, agora teño a oportunidade de acceder a algunhas dende calquer lugar do mundo :)

http://amis95.blogspot.com/

Revolta das Encrobas

Sun, 17 Dec 2006 15:44:04 GMT

As Encrobas, relato dunha revolta do pobo

Vin este vídeo a través dun blog da blogoteca: http://www.blogoteca.com/boedense. E ao velo lembrei as historias que me contaba meu avó de cando querían expropiá-los montes en Roupar, que se encheron de Gardas Civís e cregos... "alá se botaron as as mulleres e os homes a correr monte arriba, todos con fouciños, machados, gadañas e todo canto había... o veciño de ahí, o Pepe, con 70 anos subiu todo o monte correndo cunha fouce rebolexando por enriba da cabeza e ó chegar arriba caeu deitado que non podía coa ialma". Aínda hoxe se fala por alí da pistola que dicían que levaba o meu avó no peto, que o crego denunciou pero ninguén tiña probas porque non a sacara.

Houbo milleiros de revoltas coma esta na Galiza, durante o franquismo, cando se comezou a expropiar todo dun xeito descontrolado, unhas veces, como foi o caso de Roupar, pra darlles as terras comunais e todas cantas as arrodeaban a cregos e gardas civís, a meirande parte delas pra facer centrais térmicas e pantanos que abastecesen de suministro eléctrico a Madrí. Sí, está ben dito: A Madrí. Porque aquí segue a haber unha enorme deficiencia no suministro eléctrico. A casa na que vivían os meus avós até fai pouco, en Gorgode-Espiñaredo-As Pontes, tiña con frecuencia cortes de luz, e, malia que pareza cousa de ficción, está a tan só 8 quilómetros da meirande central térmica de toda Europa: Endesa-As Pontes, que produce o 10% da electricidade do Estado.

Velaquí a revolta dun pobo contra a expropiación das súas terras pra facé-la mina e central de Meirama: http://www.youtube.com/watch?v=4uEwMeiFeh4&eurl=

Conste que eu estou a prol do desenvolvemento e o futuro, pero paréceme vergoñento e deplorábel que o país da produción de electricidade careza dun suministro debido por mor de pertencer a un Estado que se olvida del.

Hai dous Chiles

Sat, 16 Dec 2006 01:05:28 GMT

A voltas coa morte do vello chileno

Supoño que moitos veríade-la reportaxe que fixeron os de CQC cando o fillo de puta de Pinochet estaba a morrer no hospital: http://www.youtube.com/watch?v=0ELFpElr5Dk

Moitos pensaredes que está tola esta xente... pero aquí tamén hai moito franquista, "españoles valientes" e xente de "Fuerza Nueva" e demáis cantantes de "Cara al Sol" que adoran ao "Caudillo de España por la gracia de Dios". Tolos fillos de puta hainos en tódolos lados. Por sorte, en Chile existen tamén cidadáns valerosos: http://www.youtube.com/watch?v=QSeTyo-issc&mode=related&search=

Y BAILARÉ SOBRE TU TUMBA!!!

(SINIESTRO TOTAL)

P.D.- Eu cría que era ridículo ese berro de: "Eh-pa-ña" que se escoita nos partidos da Seleción Española... Agora creo que é unha auténtica creación poética despois de escoitar iso de "Chi-chi-chi, le-le-le".

A volta dos nove

Sat, 16 Dec 2006 00:41:10 GMT

"A volta dos nove"

Estase a realizar un documental chamado "A volta dos nove" sobre o asasinato, no 15 de outubro do 1936, de nove persoas en Baredo (Baiona) e a súa repercusión na zona. É tan só unha mínima parte do que pasou por mor da Guerra Civil Española, unha parte do que pasou en moitas vilas da Galiza.

Dise en tódolos libros de historia que Galiza anexionouse ó golpe de Estado dos "nacionais" xa no seu comezo. Eu non nego que aquí houbese fascistas, pois habíaos a moreas e por desgraza segue a haber uns cantos, pero o que de verdade fixo que aquí triunfase tan de súpeto o fascismo foi a tremenda represión que houbo, a merda das desputas entre veciños por terras, por se este me moveu o marco e merdas desas. Maldita mentalidade.

Non sei cando estará rematado o documental, pero ireivos dando novas segundo o saiba. Polo de agora déixovos coa testemuña desta muller: http://www.youtube.com/watch?v=hNgM1ooVZFU

Descurso de nadal do Rei das Españas

Fri, 15 Dec 2006 23:58:32 GMT

O grandioso descurso do Rei

Tódolos anos, a noite do 24 de decembro, a non sei que hora, sae un señor na televisión que dí ser o rei de España (non é por nada, pero é un paisano que puxo Franco e que está ahí porque matou ao seu irmán) dando un descurso de tres pares de collóns.

Seino porque sempre que se achega esa data os telexornais toléannos a todos con que se o descurso do rei e non sei cantas historias, que se vai falar disto ou vai falar de aquelo...

Sempre imaxinei que a xente que ve iso é unha familia monárquica, case franquista (ou sen o case), votante do PP e con tódolos homes da familia peiteados tipo Acebes.

Eu teño a sorte de non telo visto nunca na miña vida por motivos sinxelos: esa noite ceo coa miña familia, e na miña familia nin hai monárquicos nin hai españois (haberaos por obriga burocrática, pero non por sentemento). Ademáis, o que nos gusta é estar de parola ó pé da lareira ou da cociña de leña mentres devecemos polos lagostinos, hehe. E logo xuntámonos todos nun gran comedor, ceamos a fartar, parolamos e bebemos viño, e logo brindamos con cava (catalán polo de agora, pode que este ano o fagamos con Danza 2005 de uva Godello) e a miña avoa sempre remata a carreiras dun lado pra outro, logo ven xunto os netos e dinos, coma se fose un segredo: non lle fagades caso á vosa avoa, que está borracha porque bebín champán. hehehe. Somos unha gran familia!! :)

O caso é que me quixen enterar de qué ía o tema ese do descurso de Xoan Carlos I de España e V de Alemaña (non é así?) e busquei no YouTube a ver se me podía enterar... a verdade é que me gustou moito, é incríbel como un home que representa o réxime estatal máis antigo pode soltar tal sarta de verdades en pouco tempo, coido que comezarei a velo: http://www.youtube.com/watch?v=U7FxB3ELsS4&eurl=

O feismo

Sat, 25 Nov 2006 23:03:41 GMT

Feismo

O feismo, ese mal que afecta á arquitectura de Galiza. É unha práctica tan habitual que ás veces mesmo nin reparamos nela. O máis común é atopar casas en eterna construcción, ou as comúns casas do omnipresente tixolo á vista malia que por dentro estén habitadas; pero tamén se producen todo tipo de aberracións esquizofrénicas saídas, probábelmente, dunha mente canto menos afecionada á absenta.

Velaquí unha pequenísima mostra desta enfermidade autóctona:

http://www.youtube.com/watch?v=QMmnXQ747zs

Un Estatuto de Nación

Sat, 25 Nov 2006 00:00:59 GMT

Vídeo documental do BNG que contén un repaso histórico dos distintos estatutos até chegar ao Estatuto de Nación que promove o BNG: http://www.youtube.com/watch?v=fAHscm91yl8

Galiza sempre ceibe!

Carretaxe

Sun, 15 Oct 2006 17:46:06 GMT

Captando votos

Moitos xa o saberedes, pois é un segredo a voces, pero aquí vos deixo unha proba delo.

¿Por qué o PP ten tanto voto na Galiza?

Sufraxio universal, política de asfalto: http://www.youtube.com/watch?v=swiGWGjhRiE&eurl=

Youtube.gal

Sun, 15 Oct 2006 10:26:43 GMT

Youtube fala galego

O fenómeno YouTube non ten freo. A súa fama fai que todo o mundo fale do portal de vídeos mercado recentemente por Google. Nesta web están colgadas miles e miles de grabacións de todo tipo que, ademais, non entenden de fronteiras idiomáticas. Galiza está representada nela cunha longa listaxe de vídeos, que van dende os humorísticos, até os máis serios, pasando por minutos emblemáticos do universo friki e polas aparicións televisivas das personaxes galegas máis características ou coñecidas.

Unha das moitas bitácoras da blogosfera galega busca elixir ós mellores vídeos galegos de varias categorías, como deporte, música, videoclip, amateur, de ficción, entrevista ou mellor captura dun programa de televisión. Nesta web inclúense moitas das grabacións a concurso e convídase aos internautas a engardir outras novas.

Entre as xa localizadas hai varias de grupos galegos, como Os diplomáticos de Monte Alto, Heredeiros da Crus e o seu xa histórico Pero que jallo é!, o famoso vídeo de Pimpinela Galicia cada día máis linda ou o máis socorrido grupo de Luar -xunto a Boney M-, Xil Ríos.

Asi mesmo, hai momentos televisivos que os galegos nunca esquecerán, como a traducción galega da serie Dallas co seu mítico "¿Estás bébeda Suellen?", a aparición estelar de Cañita Brava e Faílde no programa Semáforo -cantando a dúo Granada- ou o clásico das "prespitutas" de José Tojeiro.

Viches o alcalde de Ortigueira no programa de Pocholo?

Tue, 26 Sep 2006 22:19:44 GMT

O alcalde de Ortigueira divírtese con Pocholo diante das cámaras

A pregunta "Viches o alcalde de Ortigueira no programa de Pocholo?" levaba varios días circulando de bocas a orellas incrédulas até que hoxe por fin temos o documento gráfico. Grazas a Youtube -e a quen o colgou- podemos ver o fragmento do programa Pocholo Ibiza 06, emitido pola Sexta o pasado martes, no que se ve o mesmísimo Antonio Campo, moi animado e xeneroso, compartindo a noite ibiceira co popular sobriño-neto de Franco. Á súa intervención non lle falta de nada: nin rapazas guapas, nin gaiteiros, nin exhibición de billetes de 500 euros, nin promoción do festival do mundo celta, que tal vez foi a razón que levou o rexedor a viaxar á illa balear. Nos dez minutos de vídeo podemos ver cómo Campo mide a dialéctica -e a carteira- con Pocholo Martínez-Bordíu, que tras o inesquecíbel encontro comenta: "Menudo paxaro. Este... sabe latín".

Velaquí o vídeo: http://www.youtube.com/watch?v=cfNf6j5TO20

Galiza, segue sendo única

Thu, 21 Sep 2006 12:25:18 GMT

Quédanos tanto por dicir...

Logo da vaga de lumes que tivemos este verán, os visitantes que viñan a gozar dos nosos montes poderían botarse atrás pensando que toda Galiza é unha paraxe negra e cinsenta.

É por iso polo que xurdiu a nova campaña de publicade da nosa Terra.

Fantástica: http://www.youtube.com/watch?v=LvLCs0J5frw&eurl=

Galiza, ¿sentela?, quédanos tanto por decir, quédache tanto por vivir.

Galiza, segue sendo única

Xeografía Galega 1.0

Sun, 06 Aug 2006 21:23:07 GMT

O Miño Medio. A Meseta de Lugo

Velaquí o primeiro capítulo da serie sobre Xeografía Galega.

Fálanos sobre a zona media do Miño e a meseta lucense. Terras que se atopan a una altitude de entre 700 e 1000 m. sobre do nivel do mar. Os municipios dos que nos fala son: Oseira, Piñor, Cea, O Carballiño, Arnoia, Molgas, Maceda, Allariz, Celanova, Rairiz, Ourense, Ribadavia, Chantada, Sarria, Samos, Portomarín e Lugo.

Eu estiven en tódolos sitios agás en Piñor, Molgas, MAceda, Rairiz e Celanova. Sen dúbida unha zona fermosa.

Velaquí o enlace: http://video.google.es/videoplay?docid=-2048620123414415965&q=o+mi%C3%B1o+medio

Serie producida por: Consello de Cultura Galega. Televisión de Galicia. TVG. Hércules de Ediciones S.A.

A quen se lle conte...

Sat, 05 Aug 2006 23:15:21 GMT

¿Doce Tolemia?

Ola xente. Levo hoxe todo o puto día enganchado a unha canción que non ven moito a conto. Non sei se é que teño as hormonas medio trastornadas ou que o pao que levei nos xeonllos no traballo me afectou ás neuronas.

O caso é que escoiteina por primeira vez cando viñeron a tocar a As Pontes, en directo no concerto, e o caso é que me gustou un pouco polo ritmo que ten a parte sen estribillo. Pero hoxe atopeina e levo todo o puto día escoitándoa... ¿será que me estou a facer vello ou é cousa de que de tanto meterme en ambientes popeiros pa ligar con rapazas pijiñas me estou a introducir no mundillo?

Velaquí o link... o grupo non precisa de presentacións, e a canción coido que tampouco:

http://www.youtube.com/watch?v=LGFBoqeP1o0

Quim Barreiros

Sat, 05 Aug 2006 13:52:32 GMT

A Cabritiña

Últimamente nas estadísiticas do meu blog non fago máis que atopar búsquedas do Google sobre a Cabritiña (A Cabritinha) de Quim Barreiros, o hit galego do verán. Xa tiña posto un link a ela, pero como vexo que o interese vai en aumento aquí tendes uns cantos vídeos deste grande artista portugués:

- A Cabritinha: http://www.youtube.com/watch?v=C02iYi93m04

- Chupa Teresa: http://www.youtube.com/watch?v=UrLzy4m9278&mode=related&search=

(este mesmo ten videoclip): http://www.youtube.com/watch?search=&mode=related&v=ynZltM0xuB0

- Ai María: http://www.youtube.com/watch?v=fO6LkAwr3QA&mode=related&search=

Agardo que sexan do voso gusto.

A cantiga galega do verán é lusa

Camufladas pra o gran público galego durante anos nos postos de venda de casetes dos mercadillos lusos, as cantigas gamberras do portugués Quim Barreiros preparan o desembarco no repertorio habitual das orquestras galegas. O salto do artista luso a este lado do Miño débese ó impulso de A Cabritinha, un tema que lembra ó agro-rock no que o cantante, tras explicar que foi criado por vacas e borregos, repite insistentemente: "Eu gosto de mamar nos peitos da Cabritinha".

O estribillo encandilou a miles de internautas, que reciben nos seus correos electrónicos estos días a cantiga. E de ahí aos escenarios da Galiza, o país das mil orquestras. Porque son éstas quenes rentabilizarán o que xa opta ó reinado musical estival. O propio Barreiros, que en Portugal triunfa dende fai décadas, confesa dende alí que está completamente desbordado. "Recibín centos de peticións de salas de festas e celebracións de Galiza, pero teño todo o verán completo en Portugal e en Brasil".

O hit agocha un segredo. "A cabrita -explica- é o animal, pero tamén cómo se denomina no Brasil a unha filla de mulata e un branco". Velaí o matiz sutil que alimenta o éxito.

Ha ha haaaaaaa

Wed, 26 Jul 2006 21:51:24 GMT

Rasta life

De todo o mundo é sabido que os guías turísticos son sempre un peñazo e non fan máis que dar datos e máis datos. Os que levan pouco tempo no tema aínda se animan a contar algunha anécdota, pero os que levan tempo no negocio, de tanto aguantar turistas peñazo, son uns sosos de carallo.

Pero isto non é igual en todo o mundo... se viaxades a Xamaica, é posíbel que vos atopedes cousas deste estilo:

http://www.metacafe.com/watch/179288/the_best_jamaican_tourguide/

¡Quim Barreiros!

Sun, 16 Jul 2006 13:07:36 GMT

¡Este home é un auténtico crack! A primeira vez que o escoitei pensei que só sería un fenómeno do internete que coñeceríamos uns poucos tolos neste mundo, pero levei unha grata sorpresa cando comecei a escoitala en tódolos locais de As Pontes agora polas festas.

¡Que Opá nin que carallo! ¡¡A auténtica cantiga do verán é a da cabritinha!!

Eu gosto de mamar nos peitos da cabritinha:

http://www.youtube.com/watch?v=C02iYi93m04&search=quim